29 мая ў прыходзе храма святых роўнаапостальных  Мяфодзія і Кірыла горада Ваўкавыска адбыўся святочны малебен, прысвечаны завяршэнню чарговага навучальнага года для вучняў нядзельнай школы.

Усяго ў школе займаецца каля 40 вучняў. Кожны з іх у гэты дзень прыняў Таінствы Споведзі і Святога Прычашчэння, паведаміла педагог Ірына Плюта.

Пасля малебна настаяцель храма іерэй Аляксандр Юзва і матушка Алена частавалі вучняў і настаўнікаў нядзельнай школы салодкімі прысмакамі, тортам і гарачым чаем.