9 сакавіка ў нядзельнай школе прыхода храма святых раўнаапостальных Мяфодзія і Кірыла г. Ваўкавыска адбылося ўрачыстае мерапрыемства, прысвечанае Дню праваслаўнай кнігі.

Вучні і настаўнікі сабраліся, каб разам паразважаць аб значэнні духоўнай літаратуры ў жыцці хрысціяніна.

Святочны дзень пачаўся з сумеснай малітвы, пасля якой была праведзена гутарка аб ролі кніг у духоўным развіцці чалавека. Настаўнікі падрыхтавалі прэзентацыю пра першадрукара Івана Фёдарава і яго першую праваслаўную кнігу «Апостал». Вучні актыўна ўдзельнічалі ў абмеркаванні, задавалі пытанні, а таксама дзяліліся сваімі ведамі пра беларускага асветніка Францыска Скарыну.

Асаблівую цікавасць выклікала практычная частка: дзеці пазнаёміліся з мастацкім афармленнем старажытных кніг і паспрабавалі ўпрыгожыць загалоўную літару ў старадаўнім стылі. Завяршыла мерапрыемства выстава праваслаўных выданняў, якая стала яскравым напамінам аб каштоўнасці духоўнай літаратуры і яе важнасці ў выхаванні маладога пакалення.

Читайте нас в мессенджере Telegram, следите за репортажами в cоциальных сетях: Instagram, ВКонтакте, Facebook, Twitter и Threads, смотрите в YouTube