Вернікі са Шчучына ў Жыровічах

20 мая 2021 года прыхаджане храма Святога Архангела Міхаіла горада Шчучына наведалі Свята- Успенскі Жыровіцкі манастыр.

Паломніцтвы дзеля ўшанавання Жыровіцкага вобраза Прасвятой Багародзіцы з даўніх вякоў сталі адметнай рысай праваслаўных вернікаў на землях нашай краіны. Не стаў выключэннем і бягучы год. Па благаславенню благачыннага Шчучынскага вокруга святара Аляксандра Пасцярняка на золку чацвярга трэцяга тыдня пасля Пасхі, стварыўшы малебен у храме, прыхаджане накіраваліся да знакамітай святыні.

Богаслужэнне позняй Літургіі ўзначаліў Патрыяршы экзарх усяе Беларусі Высокапраасвяшчэнны Веніямін, Мітрапаліт Мінскі і Заслаўскі. Звычайны для свята малебен з Хрэсным ходам ад Успенскага сабора да Яўленскай царквы завершыўся спевам акафіста да Жыровіцкага вобраза Багародзіцы.   

Адведаўшы духмянага манастырскага хлеба, паломнікі накіраваліся, звыклым шляхам, да ўлюблёнай крынічкі.

Цудоўнае сонечнае надвор’е і агульная малітва пакінулі ў душах усіх вернікаў сапраўдны святочны свет радасці і адчування блізкага да Зямлі Неба.

Святар Сергій СЯМАШКА,
клірык храма Святога Архангела Міхаіла горада Шчучына

Фота Наталлі СЯМАШКА

Вернікі са Шчучына ў Жыровічах
Вернікі са Шчучына ў Жыровічах
Вернікі са Шчучына ў Жыровічах
Вернікі са Шчучына ў Жыровічах
Вернікі са Шчучына ў Жыровічах
Вернікі са Шчучына ў Жыровічах
Вернікі са Шчучына ў Жыровічах
Раздел сайта:
Орфографическая ошибка в тексте:
Чтобы сообщить об ошибке, нажмите кнопку "Отправить сообщение об ошибке". Также вы можете добавить свой комментарий.
Article | by Dr. Radut