Вечарыны духоўнай паэзіі

10 февраля 2015 года. В рамках фестиваля «Коложский благовест» прошел вечер духовной поэзии и авторской песни

Творчых людзей не існуе. Бо сам факт стварэння чалавека ўздзеяннем Боскай Волі сведчыць пра тое,што нават словы ці фразы, якія мы хочам вымавіць, – не што іншае, як праява ў нас творчых пачаткаў і здольнасцяў. І так ,вырашылі: творчых людзей не існуе. Аксіёма.

Вечарыны духоўнай паэзіі - гэта ні ў якім разе не неабходнасць, але без вершаваных малітваў, споведдзяў, памкненняў, летуценняў немагчыма ўявіць чалавека, асабліва таго, хто займаецца гэтым прафесійна - вучыцца дасканала выказваць свае думкі і пачуцці пры дапамозе метафары, рытмаў, рыфмаў і г.д…

Чарговым «ў нашай прамоклай Гародні» з’явіўся музыкальна-паэтычны фэст ў межах міжнароднага фестывалю праваслаўных песнапенняў «Каложскі благавест».

Гучала мова.. гучала Слова…І рускае, і беларускае. «З мовы ня трэба рабіць палітыканства, трэба прымаць яе як Божы дар. Мовай трэба зачараваць. Кожнай мове Бог даў сваю красу, як кожнай музычнай танальнасці сваё гучанне», - калісьці сказаў брат інак Мікалай, а сёння манах Іаан Бембель, паэт, насельнік Свята-Успенскага (Жыровіцкага) манастыра.

Сваімі новымі вершамі пра стварэнне Сусвету, пра захаванне Божых запаведзяў ў жыцці, пра Любоў да Бога і да бліжняга брат Іаан падзяліўся са сваімі слухачамі і на сённяшняй імпрэзе.

Удзельнікамі паэтычнай сустрэчы сталі таксама святар Павел Каспяровіч, клірык Свята-Пакроўскага кафедральнага сабора; Вольга Агапонава, магістр філалагічных навук, аспірант кафедры рускай і замежнай літаратуры ГрДУ им.Я. Купалы; Алена Бабіч, галоўны рэдактар часопіса «Пакаленне»; Анатоль Брусевіч, дацэнт кафедры польскай філалогіі ГрГУ ім Я. Купалы, кандыдат філалагічных навук; Святлана Іванова, прыхаджанка храма ў гонар Свяціцеля Лукі (Война-Ясенецкага); Галіна Самойла, прыхаджанка храма ў гонар Свяціцеля Лукі (Война-Ясенецкага), сябра Саюза пісьменнікаў Беларусі; Святлана Якімава, паэтка, выпускніца гістфака ГрДУ імя Я. Купалы.

Вакальна-інструментальны дуэт студэнтаў факультэта мастацтваў і дызайну Гродзенскага дзяржаўнага ўніверсітэта ім. Я.Купалы выканаў раманс «Кельля - зорка» (Андрэй Дактароў - вакал (клас дацэнта Р.Л.Левінай); Дзмітрый Харошка - гітара (клас ст.выкладчыка У.І. Захарава), лаўрэат міжнародных конкурсаў, стыпендыят спецыяльнага фонду прэзідэнта Рэспублікі Беларусь па падтрымцы таленавітай моладзі; сл. Зьніч - манах Іаан Бембель, муз.У. Захараў)

Вольга АГАПОНАВА

Вечарыны духоўнай паэзіі
Вечарыны духоўнай паэзіі
Вечарыны духоўнай паэзіі
Вечарыны духоўнай паэзіі
Вечарыны духоўнай паэзіі
Вечарыны духоўнай паэзіі
Вечарыны духоўнай паэзіі
Вечарыны духоўнай паэзіі
Вечарыны духоўнай паэзіі
Орфографическая ошибка в тексте:
Чтобы сообщить об ошибке, нажмите кнопку "Отправить сообщение об ошибке". Также вы можете добавить свой комментарий.
Article | by Dr. Radut